'ახვარი ხარ შე ნაძირალავ'-გოგი წულაია ქუთაისის მერიის სამსახურის უფროსს

ქუთაისის მერიის წინ, პარტია "თავისუფალი საქართველო"-ს იმერეთის ორგანიზაციის ხელმძღვანელსა და მერიის საბინაო ინფრასტრუქტურის განვითარების სამსახურის უფროსს, ვლადიმერ ნაკაშიძეს შორის დაპირისპირება მოხდა. დაპირისპირება მერიის წინ, ქალაქში თავშესაფრის გარეშე დარჩენილი პირების აქციამ გამოიწვია. ისინი ნაკაშიძესთან იმის გარკვევას ცდილობდნენ, როდის შეძლებს ადგილობრივი ხელისუფლება მათი პრობლემის მოგვარებას.

ვლადიმერ ნაკაშიძემ განაცხადა, რომ იმ დროს, როდესაც გოგი წულაია ხელისუფლებაში იყო, მოქალაქეები საკუთარი სახლებიდან ისე გამოყარეს, რომ მათთვის ალტერნატიული თავშესაფარი არ შეუთავაზებიათ.

"ახვარი ხარ შე ნაძირალავ მაგას რომ ამბობ," - ამგვარად უპასუხა წულაია ნაკაშიძის განცხადებას. თავის მხრივ, ვლადიმერ ნაკაშიძის რეპლიკა შემდეგი იყო: "გოგი კონცერტს ნუ დგამ. მართალია რასაც ვამბობ".