ბერლინის ბიბლიოთეკაში უნიკალური ქართული ხელნაწერი აღმოჩნდა

ქართულ კულტურულ მემკვიდრეობას კიდევ ერთი ხელნაწერი შეემატა. ბერლინის სახელმწიფო ბიბლიოთეკაში, მუშაობისას აღმოჩნდა დღემდე შეუსწავლელი, არა კატალოგიზირებული ხელნაწერი - Hs. or. 14561. ხელნაწერი შეიცავს ნუსხა-ხუცურით დაწერილ ბიბლიის ტექსტს. ასევე, ტექსტში ჩართულია ლუკა მახარებლის ერთი ფერადი გამოსახულება.

ბიბლიოთეკარ ნიკოლე ფიურთინგის განცხადებით, აღნიშნული ხელნაწერი ბიბლიოთეკამ 2012 წელს ამსტერდამში, კერძო კოლექციონერისგან შეიძინა.

ხელნაწერი მცირე ზომის გამო, დიგიტალიზაციას არ ექვემდებარება. საჭიროა, კოდიკოლოგმა და ტექსტოლოგმა ადგილზე შეისწავლოს.