ზესტაფონში პარტია „ქართული ოცნება-დემოკრატიული საქართველოს“ რაიონის გამგებელი უხელმძღვანელებს

პარტია "ქართული ოცნება-დემოკრატიული საქართველოს" ზესტაფონის რაიონულ ორგანიზაციას მუნიციპალიტეტის გამგებელი ტარიელ თუთარაშვილი უხელმძღვანელებს.

საოლქო ორგანიზაციის კონფერენციას პარტიის გენერალური მდივანი კახა კალაძე და პარტიის აღმასრულებელი მდივანი ირაკლი კობახიძე დაესწრნენ, რომლებიც ადგილობრივ აქტივს და პარტიის წევრებს შეხვდნენ.

კონფერენციაზე ზესტაფონის საოლქო ორგანიზაციის თავჯდომარის არჩევის გარდა, ბიუროს წევრები და პარტიის ყრილობის დელეგატები დაამტკიცეს.

დღის მეორე ნახევარში, "ქართული ოცნება-დემოკრატიული საქართველოს" კონფერენცია ვანის მუნიციპალიტეტში გაიმართება.