კუჭმაჭი, სოკო კეცზე, ხბოსა და ღორის მწვადი... ქუთაისის მერიამ კვების მომსახურებაზე ტენდერი გამოაცხადა

ქუთაისის მერიამ კვების მომსახურებაზე ტენდერი გამოაცხადა.
სახელმწიფო შესყიდვების სააგენტოს ვებგვერდზე განთავსებული ინფორმაციის მიხედვით, მერიის მიერ ორგანიზებული სხვადასხვა სპორტული ღონისძიებებისათვის კვებითი მომსახურეობა ქუთაისის მერიას 2 000 ლარი დაუჯდება.
იმერეთის მთავარი საინფორმაციო სააგენტო topnews.com.ge ღონისძიების მენიუს გთავაზობთ:
ყველის ასორტი, კიტრის და პომიდორის სალათი, მჟავის ასორტი, კუჭმაჭი, ქათმის სალათი, ბულგარული და ბადრიჟანი ნიგზვით, სალათი "ცეზარი", ბაჟე, მადამ ბოვარი, ხბოს მწვადი, ღორის მწვადი, შემწვარი წიწილა, სოკო კეცზე, ჩაქაფული, მდინარის თევზი, იმერული ხაჭაპური, ხორციანი ბლინი, კუპატი, ტყემალი, მაღალი ხარისხის თეთრი ღვინო, მჭადი, პური, ხილის ასორტი, ლიმონათის ასორტი, მინერალური წყლის ასორტი.

ტენდერი ქალაქის მერიამ 2 მარტს გამოაცხადადა წინადადებების მიღება 24 მარტს დასრულდება.