გაიცემა თუ არა სარვამარტო პრემიები ქუთაისის მერიაში?

8 მარტს ქალთა დღე აღინიშნება. აღნიშნულ დღესთან დაკავშირებით სხვადასხვა საჯარო დაწესებულებაში დასაქმებული მანდილოსნებისათვის წახალისების მიზნით ან პრემია ან კიდევ სიმბოლურად გარკვეული რაოდენობის თანხა გაიცემა.

რამდენად წახალისდებიან ქუთაისის ადგილობრივ თვითმმართველობაში დასაქმებული ქალბატონები ქალთა დღესთან დაკავშირებით, ამ დროისათვის უცნობია. ქალაქის მერიის პრესსამსახურში აცხადებენ, რომ აღნიშნულთან დაკავშირებით შესაბამისი პირების მიერ ბრძანება დაწერილი არ არის.

ცნობისთვის, 2015 წლის 8 მარტს ადგილობრივ თვითმმართველობის ქალ თანამშრომლებს წახალისების მიზნით, ბიუჯეტიდან 100 -100 ლარი დაერიცხათ.

მარუსა ხურციძე