ტყიბულში მეშახტეთა პროტესტი შეთანხმებით დასრულდა

ტყიბულში მეშახტეთა საპროტესტო აქცია შეთანხმებით დასრულდა. მოლაპარაკებების პროცესი, რომელშიც საქართველოს პროფკავშირების გაერთიანების თავმჯდომარე ირაკლი პეტრიაშვილი, ტყიბულის მაჟორიტარი დეპუტატი ელისო ჩაფიძე, ბიზნეს ომბუდსმენი გიორგი გახარია და "საქნახშირ ჯი აი ჯი"-ს ფინანსური დირექტორი ზურა გელენიძე მონაწილეობდნენ, 6 საათის განმავლობაში მიმდინარეობდა. შეთანხმების მიხედვით, ადმინისტრაცია მიმდინარე წლის პირველი მარტიდან 1 025 მეშახტეს ხელფასებს 5%-დან 10%-მდე გაუზრდის, ხოლო გაფიცვის განმავლობაში გაცდენილი 15 დღიდან მეშახტეებს 8 დღე აუნაზღაურდებათ. მეშახტეები აცხადებენ, რომ მათი მოთხოვნა ხელფასების 40%-ით ზრდა იყო, თუმცა ამ ეტაპზე გაფიცვის შეწყვეტის გადაწყვეტილება მიიღეს.