თერჯოლაში ეპარქიის დაარსებისა და მეუფის იუბილე აღნიშნეს

25 თებერვალს თერჯოლაში ტყიბულისა და თერჯოლის ეპარქიის დაარსების მე-10 და ამ ეპარქიის მიტროპოლიტის მეუფე გიორგი შალამბერიძის დაბადების 76-ე წლისთავი აღინიშნა. თერჯოლის ყოვლადწმინდა ღვთისმშობლის ხარების სახელობის საკათედრო ტაძარში საზეიმო წირვა-ლოცვა აღევლინა, რის შემდეგაც კულტურის დარბაზში კონცერტი გაიმართა.
ღონისძიებას იმერეთის გუბერნატორი გივი ჭიჭინაძე, პირველი მოადგილე პაატა ნადირაძე, მოადგილე იოსებ ხახალეიშვილი, თერჯოლის მუნიციპალიტეტის გამგებელი თეიმურაზ ჯაფარიძე, საკრებულოს თავმჯდომარე ავთანდილ ჩუბინიძე, ვანისა და ბაღდათის ეპარქიის მიტროპოლიტი ანტონ ბულუხია და სხვა საპატიო სტუმრები ესწრებოდნენ.