ტყიბულელი მეშახტეები ადმინისტრაციის შენობაში შეიჭრნენ-ჩამსხვრეულია შენობის მინები

ტყიბულში, "საქნახშირ ჯი-აი-ჯის" შახტებში დასაქმებული მეშახტეები, ადმინისტრაციის შენობაში შეიჭრნენ.
როგორც topnews.com.ge-ს ჟურნალისტი ადგილიდან იუწყება, მეშახტეებმა ჩაამსხვრიეს ადმინისტრაციის შენობის მინები, გაანადგურეს ავეჯი და დაიკავეს დირექციის კაბინეტი.
ამდროისთვის ადგილზე ათეულობით სამართალდამცველია მობილიზებული.
შეგახსენებთ, რომ მეშახტეები 12 დღეა გაფიცულები არიან, ისინი ადმინისტრაციას ხელფასების 40 %-ით გაზრდას და სამუშაო პირობების გაუმჯობესებას სთხოვენ.