'ნაციონალი' დეპუტატი ქუთაისის საკრებულოს წევრს პროკურატურაში უჩივის

საპარლამენტო უმცირესობის წევრმა გია თევძორაძემ დასავლეთ საქართველოს საოლქო პროკურატურასთან ბრიფინგი გამართა, სადაც ქუთაისის საკრებულს წევრის, ნატო ქათამაძის მიერ თევდორაძის მისამართით რამდენიმე დღის წინ გაკეთებულ განცხადებას საჯაროდ უპასუხა.

საუბარია ნატო ქათამაძის იმ განცხადებაზე, სადაც ის ამბობს, რომ გია თევდორაძეს კონკრეული ბიზნეს–ინტერესი გააჩნია ქალაქის ერთ-ერთ სკვერში მიმდინარე მშენებლობასთან დაკავშირებით.

თევდორაძის ამბობს, რომ მისი რეპუტაციის დისკრედიტაციის მიზნით მიზანმიმართული კამპანია მიმდინარეობს.საზოგადოებაში განცხადების გავრცელების შემდეგ გაჩენილ კითხვებზე საპასუხოდ კი მან პროკურატურას განცხადებით მიმართა.

„მე, როგორც პარლამენტის წევრი, მივმართავ პროკურატურას, ჩატარდეს შესაბამისი საგამოძიებო სამუშაოები ამ ფაქტთან მიმართებაში. თუკი ჩემი და ჩემი ახლობლების პირდაპირი ან არაპირდაირი კავშირი აღმოჩნდება ამ მშენებლობასთან და ბიზნეს ინტერესებთან დაკავშირებით, მზად ვარ კანონის სრული სიმკაცრით ვაგო პასუხი და ეს ქონება უსასყიდლოდ გადავცე სახელმწიფოს. მეტიც, უარს განვაცხადებ ყოველგვარ პოლიტიკურ და საზოგადოებრივ აქტიურობაზე,“-განაცხადა გია თევდორაძემ.

მარუსა ხურციძე