გაფიცული მეშახტეები ღამის გათევას შახტის ადმინისტრაციის კართან აპირებენ

ტყიბულში მე-10 დღეა მეშახტეთა საპროტესტო აქცია მიმდინარეობს.
"საქნახშირ ჯი აი ჯი"-ს დაახლოებით 1 000-მდე მეშახტე ხელფასების 40%-ით გაზრდას და სამუშაო პირობების გაუმჯობესებას ითხოვს. მეშახტეები აცხადებენ, რომ ისინი მათი მოთხოვნების შესრულებამდე არ დაიშლებიან და ღამეს შახტის ადმინისტრაციის კართან გაატარებენ.
" ამ ღამესაც ქუჩაში გავატარებთ. უკან დასახევი გზა აღარ დაგვიტოვეს. 24 საათის განმავლობაში ადმინისტრაციის შენობასთან საპროტესტო აქციებს მორიგეობით გავმართავთ. თუ ეს აქციები შედეგს არ გამოიღებს, შემდეგი ნაბიჯები შიმშილობა, შახტაში ჩასვლა და აქციების იქ გამართვა იქნება,"- აცხადებს მერაბ მამასახლისი.