Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ტყიბულში გაფიცული მეშახტეები ხელისუფლებას მიმართავენ

თარიღი : 23-02-2016, 18:59 | კატეგორია: ახალი ამბები, მთავარი თემა   
topnews.com.ge
„ტყიბულში გაფიცული დასაქმებულები მოვითხოვთ ტყიბულში მიმდინარე გაფიცვის პროცესში სახელმწიფოს მაღალი პოლიტიკური თანამდებობის პირების ჩართვას და დაუყოვნებლივი ნაბიჯების გადადგმას კრიზისში შესული პროტესტის ნორმალიზებისთვის.

დღეს, ტყიბულში გაფიცვის პროცესის დაწყებიდან მე-10 დღეს, მიუხედავად დასაქმებულთა სამართლიანი მოთხოვნებისა, საწარმოს შესაბამისი პასუხისმგებელი პირები არ ხვდებიან დასაქმებულებს მათი მოთხოვნების განხილვის მიზნით. გაფიცვის მასშტაბების და სიმწვავის გათვალისწინებით, მიმდინარე პროცესზე არ რეაგირებს სახელმწიფო და დასაქმებულებს საწარმოსთან უთანასწორო დაპირისპირებაში მარტო ტოვებს.

სახელმწიფოსა და საწარმოს ჩარევისა და რეაგირების გარეშე გასული თითოეული დღე უფრო მეტად ამწვავებს ისედაც ჩიხში შესულ პროცესს და შესაძლოა არსებული უკმაყოფილება უკონტროლო პროცესში გადავიდეს. პროცესების ამგვარი განვითარების შემთხვევაში, დამდგარ შედეგებზე სრული პასუხისმგებლობა ეკისრება სახელმწიფოს და საწარმოს, რომელიც მიმდინარე მოვლენებს სამართლებრივი პროცედურების ჭრილში განიხილავს და უგულვებელყოფს პროცესის სოციალურ მნიშვნელობას.

შეუქცევადი პროცესის თავიდან აცილების და მუშათა მოთხოვნების დაუყოვნებლივი განხილვის მიზნით, ტყიბულის გაფიცული მუშები მივიჩნევთ, რომ აუცილებელია მოლაპარაკებებების პროცესის დაწყება შემდეგი პოლიტიკური თანამდებობის პირების ჩართულობით:
- საქართველოს შრომის, ჯანმრთელობისა და სოციალური დაცვის მინისტრი;
- საქართველოს ეკონომიკისა და მდგარი განვითარების მინისტრი;
- საქართველოს ენერგეტიკის მინისტრი;
- საქართველოს მთავრობის ეკონომიკური საბჭოს წარმომადგენელი;
- საქართველოს პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე;
- საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე.

გაფიცულები ასევე ითხოვენ საქართველოს სახალხო დამცველის უშუალო ჩართვას პროცესებში.

ყოველივე ზემოთთქმულიდან გამომდინარე მოვითხოვთ:
დღეს დასახელებული თანამდებობის პირების მიერ გაკეთდეს საჯარო განცხადება მოლაპარაკების პროცესის დაუყოვნებლივი დაწყების თაობაზე და ხვალ მათი პირადი მონაწილეობით დაიწყოს მოლაპარაკების პროცესი ტყიბულში. წინააღმდეგ შემთხვევაში საგაფიცვო კომიტეტი იქნება იძულებული მოიხსნას პასუხისმგებლობა მიმდინარე პროცესებზე," -ნათქვამია მეშახტეების წერილში.

ცნობისთვის, ტყიბულში მეშახტეთა გაფიცვა უკვე მეათე დღეა მიმდინარეობს. მეშახტეები სამუშაო პირობების გაუმჯობესებას და ხელფასების 40%-ით მატებას ითხოვენ.


ნანახია: 1786-ჯერ

მსგავსი სიახლეები
15 დღეა ტყიბულში მეშახტეთა გაფიცვა მიმდინარეობს.
მიმართვაში ნათქვამია, რომ 28 თებერვალს, 14:00 საათზე, ტყიბულის გამგეობის წინ, მეშახტეები საპროტესტო აქციას გააგრძელებენ და
გაფიცულ მეშახტეებს ტყიბულში არსებულ ბაზრობებსა და სავაჭრო ობიექტებზე დასაქმებულები შუერთდნენ.
ტყიბულში, გაფიცული მეშახტეების მიერ ადმინისტრაციის შენობაში შეჭრის ფაქტთან დაკავშირებით, ტყიბულის მაჟორიტარი დეპუტატი ელისო
შეგახსენებთ, რომ ხელფასების გაზრდის მოთხოვნით ტყიბულში მეშახტეები ორი კვირაა გაფიცულები არიან.
მეშახტეები საწარმო პროცესის დროებით შეჩერებას, დამსაქმებელთან კოლექტიური ხელშეკრულების დადებას და იმ პირების გათავისუფლებას

ამინდი