ქუთაისელმა მოფარიკავეებმა საქართველოს პირველობაზე ოქროს მედლები მოიპოვეს

თბილისში, ფარიკაობაში იუნორთა შორის საქართველოს პირველობა ჩატარდა. შეჯიბრებაში ქუთაისის სპორტულ დაწესებულებათა გაერთიანების მოფარიკავეთა გუნდი მონაწილეობდა. ქუთაისელმა ,,მუშკეტერებმა" საქართველოს პირველობაზე 2 ოქროს, 1 ვერცხლისა და 4 ბრინჯაოს მედალი მოიპოვეს. პირველ ადგილზე გავიდნენ: მარია ზაკირჩენკო (დაშნა, მწვრთნელი: დ. ლოსაბერიძე ) და მარიამ ფხაკაძე (ხმალი, მწ . ი. უკლება) ; მეორე ადგილზე გავიდა მერკვილაძე გივი (ხმალი, მწ. ი. უკლება); ბრინჯაოს მედლებს დაეუფლნენ: გაბუნია ნინი (დაშნა, მწ. ნ. ჩუბინიძე), გოგოლაშვილი ნათია (ხმალი, მწ. ი.უკლება), მიქაძე კახა (დაშნა, მწ. გ. ჩაჩხიანი ) და ჭუმბურიძე გიორგი (რაპირა, მწ. ლ. გოქაძე).