ვანში პედაგოგებსა და მოსწავლეებს c ჰეპატიტსა და შიდსზე უფასო გამოკვლევები ჩაუტარდათ

ვანის მუნიციპალიტეტის საგანმანათლებლო რესურსცენტრის სააქტო დარბაზში დღეს C ჰეპატიტის ელიმინაციის პროგრამის ფარგლებში სკოლის და საბავშვო ბაღების პედაგოგებსა და აღმზრდელებს C ჰეპატიტსა და შიდსის ვირუსზე უფასო სკრინინგი ჩაუტარდათ.

C ჰეპატიტის მართვის სახელმწიფო პროგრამის პირველი ეტაპის ღონისძიებები მოიცავს:
ა) C ჰეპატიტით დაავადებულ პირთა დიაგნოსტიკას: 1) მკურნალობაში ჩართვამდე და; 2) მკურნალობის პროცესის მონიტორინგისთვის აუცილებელი კვლევების ჩატარებას.
ბ) C ჰეპატიტით დაავდებულ პირთა მკურნალობას C ჰეპატიტის სამკურნალო მედიკამენტებით.

მსგავსი უფასო სკრინინგი C ჰეპატიტზე მომავალშიც გაგრძელდება და ეტაპობრივად მოიცავს მთელს ვანის მუნიციპალიტეტს, რის შესახებაც გამგეობის ფეისბუქ გვერდის საშუალებით წინასწარ ეცნობება მოსახლეობას.