ქუთაისში ბენზინგასამართი სადგური დააყაჩაღეს

ქუთაისში, რუსთაველის გამზირზე მდებარე "ვისოლის" ბენზინგასამართი სადგური დააყაჩაღეს.

როგორც topnews.com.ge-ს შინაგან საქმეთა სამინისტროში განუცხადეს, მომხდარზე გამოძიება 179-ე მუხლით მიმდინარეობს, რაც ყაჩაღობას გულისხმობს.

კომპანიის საზოგადოებასთან ურთიერთობის სამსახურის უფროსის თქმით, შემთხვევა დღეს გამთენიისას მოხდა.

მათივე ინფორმაციით, შემთხვევის შედეგად ორი ნიღბიანი პირი სადგურში შეიჭრა და იქ მომუშავე პერსონალს ფული გასტაცა. წაღებულია 275 ლარი. შემთხვევის შედეგად არავინ დაშავებულა.