"სპეციალური სერვისები" სამუშაოებს უწყვეტ რეჟიმში განაგრძობს

ა(ა)იპ "სპეციალური სერვისები"-ს მეეზოვეებმა ქუთაისში, გზაგამტარი ხიდისა და გამსახურდიას ქუჩის მიმდებარე ტერიტორია დაასუფთვაეს.

"მოგეხსენებათ, რომ ჩვენს კომპანიას ვალდებულება სხვადასხვა კუთხით აქვს აღებული. კომპანიას ეხება როგორც ქალაქში ე.წ. მაწანწალა ძაღლებზე ზედამხედველობა, ისე სანიაღვრე არხების დასუფთავება-რეაბილიტაცია, ქალაქის ქუჩების დასუფთავება და სხვა. ყოველდღიური საქმინობის მიუხედავად, მეეზოვეებმა კიდევ ერთხელ ერთობლივად უზრუნველყვეს გზაგამტარი ხიდის ტერიტორიის დაგვა-დასუფთავება,"- აცხადებს "სპეციალური სერვისები"-ს საზოგადოებასთან ურთიერთობის სამსახურის ხელმძღვანელი გიორგი მჟავანაძე.

გარდა ამისა, "სპეციალურმა სერვისებმა" ქუთაისში, კიკაბიძის ქუჩაზე, #2 ჩიხში, დაზიანებული სანიღვრე არხის რეაბილიტაცია დაიწყო. დაზიანებული არხი მოსახლეობას პრობლემებს უქმნიდა. სამუშაოების ფარგლებში, გაიჭრა მაგისტრალი და მიმდინარეობს მისი გაწმენდითი სამუშაოები. არხში ახალი, წყალგამტარი გოფრირებული მილები ჩალაგდება.