ხარაგაულის ინოვაციების ცენტრში ,,კრეატიული ინდუსტრიების” თემაზე ტრენინგი გაიმართა

ხარაგაულის ინოვაციების ცენტრში კომპიუტერული გრაფიკისა და ვიზუალური ეფექტების განვითარების ასოციაციის CG Georgia-ს თავმჯდომარემ, ნიკოლოზ გოგოჭურმა თემაზე: ,,კრეატიული ინდუსტრიები”, ტრენინგი ჩაატარა. ტრენინგის მიზანს აღნიშნული სფეროს შესახებ მომავალი თაობისათვის კონკრეტული ცოდნის გადაცემა წარმოადგენდა.

„დღეს, ხარაგაულის ინოვაციების ცენტრში, „კრეატიული ინდუსტრიების“ სფერო განვიხილეთ. ვისაუბრეთ მათი მნიშვნელობის შესახებ. შევეხეთ თემებს, თუ როგორ შეიძლება მიაღწიოს დაინტერესებულმა პირმა წარმატებას, როცა იგი ამ სფერეოში მუშაობს და რა სირთულეები შეიძლება შეხვდეს მას. XXI საუკუნეში ინტელექტუალური პროდუქტის შექმნას განსაკუთრებული ყურადღება ექცევა. მოხარული ვიქნები, თუ აქ მოწვეულ საზოგადოებას, დღეს ჩატარებული ტრენინგი მომავლის სწორად დაგეგმვაში დაეხმარება. საქართველოს ინოვაციების და ტექნოლოგიების სააგენტო ზრუნავს, რათა მომავალმა თაობებმა შეძლონ უფრო ეფექტურად აირჩიონ მომავალი,“ - აღნიშნა ნიკოლოზ გოგოჭურმა.

აღსანიშნავია, რომ დღეს, მსოფლიოში და მათ შორის საქართველოშიც ,,კრეატიული ინდუსტრიების” სფერო საკმაოდ აქტუალურია.