ქუთაისის მერი და საკრებულოს თავმჯდომარე მოსწავლეებთან შეხვედრებს განაგრძობენ

ქუთაისის მეორე საჯარო სკოლის მოსწავლეები ქუთაისის მერიაში იმყოფებოდნენ. მათ თვითმმართველობის შენობა დაათვალიერეს, შეხვდნენ ქუთაისის მერს შოთა მურღულიას და საკრებულოს თავმჯდომარეს დავით დვალს. მოსწავლეები მთავრობის მუშაობის სპეციფიკას გაეცვნენ და ქალაქის ხელმძღვანელ პირებთან თავიანთ მომავალ პროფესიებსა და ახალგაზრდულ პრობლემებზე ისაუბრეს. ადგილობრივ ხელისუფლებასთან შეხვედრა მეორე საჯარო სკოლის მოსწავლეთა თვითმმართველობის ინიციატივით დაიგეგმა. მოსწავლეების სურვილის შემთხვევაში, ქუთაისის მერი და საკრებულოს თავმჯდომარე სხვა სკოლის წარმომადგენლებსაც შეხვდებიან. გასულ კვირას თვითმმართველობის წარმომადგენლები პირველი საჯარო სკოლის მოსწავლეებს შეხვდნენ.