მომხმარებელთა დახმარების ცენტრმა ქუთაისში საშაურმეები შეამოწმა

ქუთაისში, ქალაქის მასშტაბით არსებული საშაურმეების მონიტორინგი განხორციელდა. მიმდინარე წლის 3 თებერვალს ქუთაისის მომხმარებელთა დახმარების ცენტრმა მიკრობიოლოგიური პარამეტრების შესამოწმებლად შაურმის ნიმუშები შემდეგ საშაურმეებში შეიძინა:

აღმაშენებლის გამზირის #85-ში მდებარე საშაურმეში „ხუნდა“ შეძენილ იქნა შაურმა ღორის ხორცით.
აღმაშენებლის გამზირის #105-ში მდებარე საშაურმეში „შინო“ შეძენილ იქნა შაურმა ქათმის ხორცით.
აღმაშენებლის გამზირის #103-ში მდებარე საშაურმეში „MAX-შაურმა“ შეძენილ იქნა შაურმა ღორის ხორცით.

როგორც ცენტრის განცხადებაშია ნათქვამი, ნიმუშების ლაბორატორიული შემოწმების შედეგად დარღვევა არ გამოვლენილა.