"ბაღდათის გამგებელ ირაკლი გეგეშიძეს სულ მალე სერიოზული პრობლემები შეექნება"

2015 წლის ოქტომბრის თვეში დადებული ხელშეკრულება ბაღდათის გამგებელ ირაკლი გეგეშიძეს სერიოზულ პრობლემებს შეუქმნის,- აღნიშნული სახელწოდებით მასალას editori.ge აქვეყნებს. საუბარია ლიზინგით შეძენილ ტექნიკაზე, რომლისთვისაც ბაღდათის მოსახლეობის ჯიბიდან 1 000 000 ლარი გაიფლანგა.

“ბაღდათის გამგებელ ირაკლი გეგეშიძეს სულ მალე სერიოზული პრობლემები შეექნება, რისი ერთ-ერთი მიზეზიც, გამგეობის მიერ შეძენილი ტექნიკა გახდება, რომლის მინიმალური საგარანტიო პერიოდი 1 წელი უნდა ყოფილიყო, 2 თვეში დაზიანდა და გამგეობის ეზოში, სიტყვის პირდაპირი მნიშვნელობთ, გდია. ამის ამსახველი სურათები ბაღდათის მოსახლეობამ მოგვაწოდა, რის შემდეგაც შესყიდვის დოკუმენტაციასაც გავეცანით SPA150026772, სადაც გამოვლინდა რიგი საეჭვო ფაქტები, მაგ: ტექნიკის შესაძენი სავარაუდო თანხა პირველ ოქმში დაფიქსირდა 800 000 ლარი, ხოლო 12 დღის შემდეგ შესყიდვის სავარაუდო თანხა 800 000 ლარი, შეიცვალა 1 000 000 ლარით. სამწუხაროდ 2015 წლის ნოემბრში შეძენილი ტექნიკა უკვე დაზიანებულია და ბაღდათის გამგეობის ეზოში აგდია. ტენდერის პირობებით, შესაძენი ტექნიკა უნდა ყოფილიყო 2015 წლის გამოშვება, თუმცა მისი ხარისხის ან გამომშვები ქვეყნის დოკუმენტაცია ვერსად მოვიძიეთ. ბაღდათის მაცხოვრებლები აღშფოთებულნი არიან, რადგან ლიზინგით შეძენილი ტექნიკა, რომლის საფასურიც მათი ჯიბეებიდან ამოღებული თანხით არის გადახდილი, რამოდენიმე თვეში დაზიანდა და იგი ბაღდათს ვეღარ ემსახურებ, რისი ამსახველი სურათებიც ამის მტკიცების საშუალებას გვაძლევს. ეჭვია, რომ გამგებელმა უხარისხო ტექნიკა შეიძინა, რაშიც საკმაოდ დიდი თანხა გადაიხადა და შესაძლოა ადგილი ჰქონდეს ე.წ „ატკატს“. ვთხოვთ სამართალდამცავ ორგანოებს დაინტერესდენ აღნიშნული შესყიდვითაც, რადგან ჩვენთვის ცნობილი გახდა, რომ ანტიკორუფციულმა საბჭომ გამგეობის საქმიანობის შესწავლა დაიწყო და ერთ-ერთ საქმესთან დაკავშირებით, რომელიც საკრაულის გზის მშენებლობას შეეხება, ჩვენი ინფორმაციით პროკურატურას გადასცეს დოკუმენტები,” -აცხადებს „მონიტორინგის ცენტრი - მედიატორი“-ს დამფუძნებელი გივი კუბლაშვილი.