"ძალიან კარგად მიმდინარეობს თანამშრომლობა ქუთაისის თვითმმართველობასა და განათლების სამინისტროს შორის"

განათლების მინისტრმა თამარ სანიკიძემ და ქუთაისის მერმა შოთა მურღულიამ ქუთაისის სკოლებში 2015 წელს განხორციელებული სამუშაოები დაათვალიერეს. გასულ წელს ქუთაისში 10 საჯარო სკოლის რეაბილიტაცია განხორციელდა, რისთვისაც 1, 830,973.54 ლარი დაიხარჯა. ასევე, 2015 წელს ქუთაისის მერიის დაფინანსებით მე-17 საჯარო სკოლის ფასადი მოეწყო.

"ძალიან მნიშვნელოვანია რომ განათლების სამინისტრო აქტიურადაა ჩართული ქუთაისის სკოლების ინფრასტრუქტურის მოწესრიგების კუთხით. ძალიან კარგად მიმდინარეობს თანამშრომლობა ქუთაისის თვითმმართველობასა და განათლების სამინისტროს შორის. ჩვენ ჩვენის მხრივ ვცდილობთ, სხვადასხვა პროგრამები განვახორციელოთ, რომელიც წიგნიერებას, განათლებას და ცოდნის მიღებას შეაყვარებს ახალგაზრდა თაობას,“-აღნიშნა შოთა მურღულიამ.