კულტურის და სპორტის ააიპების შემდეგ ქუთაისის მერია კონკურსს ბიბლიოთეკებში ჩაატარებს

ქუთაისის მერია კულტურისა და სპორტის ააიპებში ჩატარებული კონკურსის შედეგებს აქვეყნებს. ქუთაისის ვიცე-მერის კონსტანტინე ქავთარაძის განცხადებით, ტესტირება წარმატებით ჩააბარა 59 ადამიანმა, რომლებიც კონკურსის ბოლო ეტაპს, გასაუბრებას 6-7 თებერვალს გაივლიან.

კონკურსზე ჯამში 546 აპლიკაცია იყო წარდგენილი. მონაწილეთა შერჩევა სამ ეტაპად მიმდინარეობდა. I ეტაპი- საბუთების გადარჩევა , II ეტაპი- ტესტირება და მე-ე ეტაპი გასაუბრება.
პირველადი მონაცემებით, კონკურსის ბოლო ეტაპზე 46 მონაწილე გადავიდა, თუმცა გასაჩივრებისა და საპრეტენზიო კომისიის მუშაობის შემდეგ კონკურსანტებს კიდევ 10 ადამიანი დაემატა.

"სულ შემოვიდა გასაჩივრების 5 განცხადება. აპლიკანტებს შეეძლოთ 2 დღის განმავლობაში დაეფიქსირებინათ თავიანთი პრეტენზია. ასევე, სამ საკითხში დაფიქსირდა ტექნიკური ხარვეზი. საბოლოოდ, საპრეტენზიო კომისიამ კონკურსანტების მხარე დაიჭირა,"- აცხადებს კონსტანტინე ქავთარაძე.

ვიცე-მერის თქმით, უახლოეს პერიოდში ატესტაცია იგეგემება საჯარო ბიბლიოთეკებშიც.

ნათია სვანიძე