ქუთაისში შეძენილ ნამცხვარში დარღვევები აღმოჩნდა

ევროპის ფონდი მომხმარებელთა დახმარების ცენტრები აგრძელებენ სურსათის უვნებლობასთან დაკავშირებული დარღვევების გამოვლენას. მიმდინარე წლის 20 იანვარს ქუთაისის მომხმარებელთა ცენტრის მიერ შეძენილ ნამცხვარ "ნაპოლეონში" კოლიფორმები აღმოჩნდა. ხოლო მიმდინარე წლის 26 იანვარს ევროპის ფონდის წარმომადგენელმა შეიძინა "ლიტვური საცხობის" რუხი პური "დიეტა", რომლის ეტიკეტზეც დარღვევაა.

" ევროპის ფონდი კვლავ მოუწოდებს მომხმარებლებს გადაამოწმონ, არის თუ არა თქვენს მიერ შეძენილი სურსათი, რომელსაც აქვს წარწერა „დიეტური“, „სამკურნალო“ და სხვა მსგავსი, შრომის, ჯანმრთელობისა და სოციალური დაცვის სამინისტროს სიაში. თუ სურსათი ამ სიაში არ აღმოჩნდა, გთხოვთ, შეგვატყობინოთ: ტელ.: (+995 32) 225 39 42/43, 225-27-63/78/82; ფაქსი: (+995 32) 225 39 42/43, 225-27-63/78/82 ×112; ელ-ფოსტა: lberdzuli@epfound.ge," - ნათქვამია მომხმარებელთა დახმარების ცენტრის განცხადებაში.