"წლის ბიზნესი 2015"-ქუთაისის მერია ბიზნესის სტიმულირებისთვის კონკურსს აცხადებს

ქუთაისში რეგისტრირებული ბიზნეს კომპანიების სტიმულირებისა და ადგილობრივი პროდუქციის პოპულარიზაციის მიზნით, ქუთაისის მერია კონკურსს „წლის ბიზნესი 2015“-ს აცხადებს.

კონკურსი 2015 წლის საფინანსო შედეგების მიხედვით, 12 ნომინაციაში ჩატარდება. ხოლო პრიზები გამარჯვებული კომპანიების გარდა, კონკურსში მონაწილე ყველა კომპანიას გადაეცემა. დაინტერესებულ პირებს საკონკურსო პირობების შესახებ ინფორმაცის მიღება ქუთაისის მერიის ოფიციალური საიტიდან: www.Kutaisi.gov.ge-დან შეუძლიათ. კონკურსში მონაწილეობისათვის განაცხადები მიიღება 8 თებერვლის 18:00 საათამდე შემდეგ მისამართზე: ქუთაისის მერია, მე-4 სართული, ოთახი N407. ტელ: 24 02 77 ან ელ.ფოსტის მეშვეობით: economy@kutaisi.gov.ge.