ჟაუტიკოვის მე-12 საერთაშორისო ოლიმპიადაზე ქუთაისელმა მოსწავლეებმა გამარჯვება მოიპოვეს

თარიღი : 26-01-2016, 16:21 | კატეგორია: ახალი ამბები, საზოგადოება

ჟაუტიკოვის მე-12 საერთაშორისო ოლიმპიადაზე ქუთაისელმა მოსწავლეებმა გამარჯვება მოიპოვეს. ანდრია რაზმაძის სახელობის N41 ფიზიკა-მათემატიკის საჯარო სკოლის და იოსებ ოცხელის N2 საჯარო სკოლის გამარჯვებულ მოსწავლეებს ქუთაისის მერი შოთა მურღულია შეხვდა. ოლიმპიადა 2016 წლის 13-19 იანვრის ჩათვლით, ყაზახეთის რესპუბლიკის ქალაქ ალმაატაში მიმდინარეობდა 5 მოსწავლის მგზავრობა + 1 მოსწავლის საორგანიზაციო შესატანი ქუთაისის მერიამ სრულად დააფინანსა.

ოლიმპიადაზე გამარჯვება შემდეგმა მოსწავლეებმა მოიპოვეს:
1. ლაშა ბუხნიკაშვილი - ბრინჯაო - ინფორმატიკა - N41 საჯარო სკოლა;
2. ბაკურ ცუცხაშვილი - ბრინჯაო - ინფორმატიკა - N41 საჯარო სკოლა;
3. გვანცა ცუცხაშვილი -ბრინჯაო - მათემატიკა - N41 საჯარო სკოლა;
4. გიორგი ბაღდავაძე - ბრინჯაო - ინფორმატიკა - N2 საჯარო სკოლა.

სიგელებით დაჯილდოვდნენ ოლიმპიადაში მონაწილე N41 საჯარო სკოლის მოსწავლეები: ელენე კრავიშვილი, ალექსანდრე ონიანი და მარიამ ბარიშვილი. ოთხივე გამარჯვებულმა დამატებით მიიღო ყაზახურ-ბრიტანული ტექნიკური უნივერსიტეტის სრული გრანტი.

ნანახია: 2824-ჯერ