"სპეციალური სერვისები" მზად არის უზრუნველყოს ქუთაისში უსაფრთხო გადაადგილება"

ა(ა)იპ "სპეციალური სერვისები" მუშაობის საგანგებო რეჟიმზეა გადასული.

კომპანიის თანამშრომლები გვიან ღამემდე ქალაქის მასშტაბით არსებულ ცენტრალურ მაგისტრალებზე ტექნიკური მარილისა და ქვა-ღორღის დაყრას ახორციელებდნენ. საავტომობილო გზებზე მძღლების უსაფრთხო გადაადგილებას 2 ერთეული, ინერტული მასალით დატვირთული სპეც. ტექნიკა საპატრული პოლიციასთან ერთად უზრუნველყოფდა.

"ინტენსიური თოვის შემთხვევაში, ჩვენ მზად ვართ ვუზრუნველყოთ ქალაქში უსაფრთხო გადაადგილება. აღნიშნული მიზნით, სამუშაოები გვიან ღამემდე მიმდინარეობდა. ა(ა)იპ "სპეციალური სერვისები"-ს ადმინისტრაცია დაუღალავი შრომისათვის მადლობას უხდის საკუთარ თანამშრომლებს და საპატრულო პოლიციას, მუშაობის პროცესში გაწეული დახმარებისა და თანადგომისათვის," - აცხადებს "სპეციალური სერვისები"-ს საზოგადოებასთან ურთიერთობის სამსახურის ხელმძღვანელი გიორგი მჟავანაძე.