Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ქუთაისში მძღოლები პარკირების სისტემის ხარვეზებზე საუბრობენ

თარიღი : 25-01-2016, 13:08 | კატეგორია: ახალი ამბები, საზოგადოება, მთავარი თემა   
topnews.com.ge
მიმდინარე წლის 25 იანვრიდან ქუთაისში ავტომობილების პარკირება ფასიანი გახდა, თუმცა მძღოლების განცხადებით, პარკირების სისტემა ქალაქში მოუწესრიგებელია, რის გამოც ისინი საფასურის გადახდას ვერ ახერხებენ.

ქალაქში პარკირების ადგილების მოწესრიგებასა და ზოგადად, პარკირების სისტემის გამართულად ფუნქციონირებაზე ზრუნვა ქუთაისის მერიის მიერ დაფუძნებულ შპს „პარკინგსერვისს“ ევალება, თუმცა მძღოლები ირწმუნებიან, რომ სისტემას ხარვეზი აქვს და მოწესრიგებას საჭიროებს.

„დღეს შევამოწმე სწრაფი გადახდის აპარატები, მაგრამ ფული ვერ გადავიხადე. „პარკინგსერვის“-ში დავრეკ და იქ მითხრეს, თი ბი სი ან ქართუ ბანკით გადაიხადეთ თანხაო. მივედით TBC-ში და ოპერატორმაც ვერ გადაიხადა. დავრეკე მეორედ და ეგ ბანკის პრობლემააა-ო. ბანკი ამბობს, რომ თავად „პარკინგსერვისს“ აქვს გაუმართავი ბუღალტრული პროგრამა. ინტერნეტბანკითაც ვერ იხდი. დარეკავ კიდევ და გეტყვიან, რომ ჩახვიდე გუგუნავას 2-ში. თურმე უნდა ჩავიდეთ გუგუნავაზე, „პარკინგსერვისი“-ს ოფისში. ძალიან მოუწესრგებელია სისტემა. რას აკეთებენ, თავადაც არ იციან.ჯერ რაც იყო დახაზული, გადაშლილია. გრიშაშვილზე ისევ ხელზე იღებენ “სტაიანჩიკები“ ფულს,“ - ამბობს ქუთაისში მცხოვრები ილიკო ნაცვალაძე.

შპს „პარკინგსერვისი“-ს დირექტორი ირაკლი სარიშვილი topnews.com.ge-სთან საუბარში აცხადებს, რომ შპს-ს სისტემა მოწესრიგებული აქვს. სარიშვილი განმარტავს, რომ ოფისში უკვე მიიღეს ათეულობით გადახდა.

„ჩვენ უკვე მივიღეთ ათეულობით და ასეულობით გადახდა. ყველანაირად მზად ვართ. მიმდინარე კვირის ბოლომდე ეტაპობრივად ყველა ბანკი ჩაერთვება. თუ მომხმარებელი ბანკში ვერ იხდის საფასურს, ეს ალბათ თვითონ ბანკის პრობლემაა. კვგირის ბოლომდე, პარასკევის ჩათვლით, ჩვენი მხრიდან არ მოხდება ადმინისტრირება, თუმცა პირველი თებერვლიდან უკვე დავიწყებთ ადმინისტრირებას,“ - ამბობს ირაკლი სარიშვილი.


ნანახია: 1950-ჯერ

მსგავსი სიახლეები
ქუთაისში პარკირების 272 ლოკაციაა, რაც დაახლოებით 3 000-მდე მანქანის პარკირების საშუალებას იძლევა.
ქუთაისში, შპს 'პარკინგსერვისს' მძღოლები უკანონობაში ადანაშაულებენ.
გაამართლა თუ არა 'პარკინგსერვისმა' ქუთაისის ხელისუფლების მოლოდინები და რამდენად კმაყოფილი არიან მძღოლები აღნიშნული შპს-ს
ქუთაისში, უფასო პარკირებასთან დაკავშირებით ქალაქის მერიის ეკონომიკური განვითარებისა და ადგილობრივი თვითმმართველობის ქონების
მძღოლები მიიჩნევენ, რომ მათთვის დაწესებული პარკირების ყოველწლიური გადასახადი- 365 ლარი ძალიან ძვირია.

ამინდი