ქუთაისში მტვრიანობის მაჩვენებელი მაღალი რჩება

გარემოს ეროვნული სააგენტოს დასკვნის თანახმად,ქუთაისში, დაბინძურების კუთხით არსებული მაჩვენებელი საგანგაშო არ არის.

"ქუთაისში ჰაერის ისეთი დაბინძურება, რომელიც ადამიანის სიცოცხლეს საფრთხეს უქმნის, არ არის. თუმცა მტვრიანობის მაჩვენებელია მაღალი, რომელმაც წინა მაჩვენებლებთან შედარებით ორჯერ დაიკლო. დაკლების ერთ-ერთი მაჩვენებელი კი მოძრაობის მარეგულირებელ კუნძულებზე მწვანე ზოლის გაკეთებაა. ნიკეაზე კიდევ ერთი ჰექტარის გამწვანებას ვგეგმავთ და როცა გამწვანების კუთხეს უფრო მივხედავთ, ეს მაჩვენებელი კიდევ დაიკლებს," -ამბობს ქუთაისის მერი შოთა მურღულია.