შოთა მურღულია:სრულიად კმაყოფილი ვარ ქუთაისის მერობით

ქუთაისი მერი შოთა მურღულია არასამთავრობო ორგანიზაცია "საზოგადოებრივი ინტერესებიც დაცვის ცენტრი"-ს ხელმძღვანელის სულხან ქობულაძის განცხადებას ეხმაურება.

ქობულაძემ რამდენიმე დღის წინ გაავრცელა განცხადება იმის შესახებ, რომ ქალაქის მერს ქუთაისის მაჟორიტარი დეპუტატობა სურს. მურღულია კი აცხადებს, რომ ქალაქის მერობით კმაყოფილია.

"არანაირი შემოთავაზება არ მქონია ამ საკითხზე. მე საკმაოდ საპასუხისმგებლო თანამდებობა მაქვს და სრულიად კმაყოფილი ვარ ქუთაისის მერობით. რაც შეეხება გუნდის გადაწყვეტილებას, გუნდური მოთამაშე ვარ და თუ რაიმე იქნა, ამ საკითხთან დაკავშირებით იქნება მხოლოდ განხილვა. ჩემი სურვილი, ინიციატივა ან მოთხოვნა, ვიყო ქუთაისის მაჟორიტარი, არ არის,“ - განაცხადა მურღულიამ.