სასწრაფო-სამედიცინო დახმარების ცენტრი გამოძახებაზე მისვლის დაგვიანების ფაქტს უარყოფს

ქუთაისში, სასწრაფო-სამედიცინო დახმარების ცენტრი გამოძახებაზე მისვლის დაგვიანების ფაქტს უარყოფს

სასწრაფო-სამედიცინო დახმარების ცენტრის საზოგადოებასთან ურთიერთობის მთავარი სპეციალისტის, სოფო ჭუმბურიძის განცხადებით, ქუთაისში, გამოძახებაზე, სასწრაფო დახმარების ეკიპაჟი ადგილზე დროულად მივიდა.

როგორც ჭუმბურიძე აცხადებს, ინფორმაცია იმის შესახებ, რომ სასწრაფო-სამედიცინო დახმარების ეკიპაჟმა შემთხვევის ადგილზე მისვლა დააგვიანა, სიმართლეს არ შეესაბამება.

"ინფორმაცია იმის შესახებ, რომ სასწრაფო-სამედიცინო დახმარების ეკიპაჟმა შემთხვევის ადგილზე მისვლა დააგვიანა, სიმართლეს არ შეესაბამება. გამოძახების შესახებ ზარი დაფიქსირდა 13:11 საათზე, ეკიპაჟი გავიდა დაუყოვნებლივ და ადგილზე მივიდა 13:24 საათზე, ანუ, გამოძახებიდან, ზუსტად 13 წუთში სასწრაფო დახმარების ეკიპაჟი ადგილზე იყო",- განაცხადა ჭუმბურიძემ.

შეგახსენებთ, რომ ქუთაისში, ასათიანის ქუჩაზე "ჰიუნდაის" მარკის ავტომობილში 65 წლამდე მამაკაცი გარდაიცვალა. თვითმხილველების თქმით, სასწრაფომ ნახევარი საათით დააგვიანა და ადგილზე მისულ სასწრაფო დახმარების ბრიგადას, მამაკაცი გარდაცვლილი დახვდა.