ქუთაისის ლადო მესხიშვილის თეატრის ფასადზე ვარდისფერი საღებავით წარწერები გააკეთეს

ქუთაისის ლადო მესხიშვილის თეატრის შენობის ისტორიულ ფასადზე დაუდგენელმა პირებმა ვარდისფერი საღებავებით წარწერები გააკეთეს.
მომხდარს ვანდალური ფაქტი უწოდა თეატრის დირექტორმა სულხან გოგოლაშვილმა.
მისი თქმით, თეატრის შენობა, რომელიც უნიკალურ კულტურულ მემკვიდრეობას წარმოადგენს, ხელყოფილია.
მომხდარის შესახებ ადმინისტრაცია შესაბამის უწყებას მიმართავს და დამნაშავის გამოვლენას და მკაცრად დასჯას ითხოვს.
ქუთაისის მესხიშვილის თეატრი, რომელსაც ძეგლის სტატუსი აქვს, გასულ საუკუნეშია აგებული.