ქუთაისში სასწრაფოს დაგვიანების გამო მამაკაცი გარდაიცვალა

ქუთაისში, სასტუმრო "თბილისი"-ს მიმდებარე ტერიტორიაზე, საკუთარ ავტომობილში მამაკაცი გარდაიცვალა. 65 წლის მამაკაცი საკუთარ, "ჰიუნდაი"-ს მარკის ავტომობილში გარდაიცვალა. როგორც ადგილზე აცხადებენ, მამაკაცი შეუძლოდ გახდა და სასწრაფო სამედიცინო დახმარება გამოიძახეს, თუმცა სასწრაფომ დააგვიანა, რასაც აღნიშნული შედეგი მოჰყვა.

"მოქალაქე როგორც კი გახდა ცუდად, სასწრაფო დახმარებაში მაშინვე დავრეკეთ, თუმცა ჯერ ქალაქი ვერ გაიგეს და შემდეგ ქუჩა, რომ ადგილზე მოსულიყვნენ. ჩვენ შევეცადეთ პირველადი სამედიცინო დახმარების გაწევას, თუმცა ვერ გადავარჩინეთ,"- ამბობს ვეფხია მიქაუტაძე.

გარდაცვლილი მამაკაცის ცხედარს რამდენიმე წუთში ლევან სამხარაულის სახელობის ექსპერტიზის ბიუროში გადაასვენებენ.