მეორე დღეა ქუთაისში მდინარე რიონის ხეობას ასუფთავებენ

ააიპ "სპეციალურმა სერვისებმა" დღეს დილიდან, ქუთაისში მდინარე რიონის მარჯვენა სანაპიროს დასუფთავების სამუშაოები განაახლა. სამუშაოების ფარგლებში, მდინარის ფერდობზე გადაიბელა ხეები და გაიწმინდა ხეობა. როგორც "სპეციალური სერვისები"-ს საზოგადოებასთან ურთიერთობის სამსახურის ხელმძღვანელი გიორგი მჟავანაძე ამბობს, მსგავსი ტიპის სამუშაოებს კომპანია პერიოდულად ახორციელებს, ხოლო სამუშაოების მიზანს ქუთაისში სუფთა გარემოსა და სუფთა ქალაქის სტატუსის შენარჩუნება წარმოადგენს.