"არა გაზპრომს",- აქცია ქუთაისში

"არა გაზპრომს," - აღნიშნული სახელწოდებით ქუთაისში, თეთრი ხიდის მიმდებარე ტერიტორიაზე, არასამთავრობო ორგანიზაცია "ევროპა ჩვენი სახლია"-ს წარმომადგენლებმა აქცია გამართეს.

"დღევანდელი ჩვენი აქციით გვინდა ვთქვათ, რომ რუსეთი არის არასაიმედო პარტნიორი საქართველოსთვის და ეს წლებისა და გამოცდილების შედეგად ჩანს. საქართველოს ხელისუფლება უგუნურ პოლიტიკას ეწევა იმ კუთხით, რომ შემოყავს გაზპრომი, როგორც კრემლის ერთ-ერთი მსხვილი პოლიტიკური იარაღი საქართველოში. ჩვენ ვეწინააღმდეგებით ამას და გვინდა ამ აქციებით ხელისუფლებას დავანახოთ, რომ ასეთი ქმედება არასწორია,"- ამბობს "ევროპა ჩვენი სახლია"-ს დამფუძნებელი თორნიკე ბარათაშვილი.

ორგანიზაციის წარმომადგენლებმა მოქალაქეებს სტიკერები დაურიგეს და აღნიშნულ საკითხთან დაკავშირებით მათი მოსაზრებებითაც დაინტერესდნენ. "ევროპა ჩვენი სახლია"-სს თავჯდომარის თქმით, მოსახლეობის დიდი ნაწილი "გაზპრომ"-თან დაკავშირებით მათ მსგავსად ფიქრობს.

ორგანიზაცია "გაზპრომი"-ს წინააღმდეგ დაგეგმილ აქციას ხვალ თბილისში შეუერთდება.