საჩხერეში დღეს კომპანია „ემ ენ ჯორჯიას“ ღია სასამართლო პროცესი გაიმართება

საჩხერის რაიონულ სასამართლოში დღეს კომპანია "ემ ენ ჯორჯიას" ღია სასამართლო პროცესი გაიმართება.

სხდომაზე კომპანია "ემ ენ ჯორჯია" გეგმავს შუამდგომლობის დაყენებას პრემიერ-მინისტრის ეკონომიკური მრჩევლის და ბიზნეს ომბუდსმენის გიორგი გახარიას დაკითხვასთან დაკავშირებით.

"საზოგადოებისთვის კარგად არის ცნობილი, რომ სწორედ გახარიას უკანონო მოთხოვნით გააჩერა "ჯორჯიან მანგანეზმა" უკანონოდ კომპანია "ემ ენ ჯორჯიას" საქმიანობა. აღნიშნულ საკითხთან დაკავშირებით კი, საქართველოს პროკურატურაში გახარიას წინააღმდეგ აღძრულია სისხლის სამართლის საქმე - სამსახურეობრივი უფლებამოსილების გადამეტებასთან დაკავშირებით," - აცხადებენ კომპანია "ემ ენ ჯორჯიაში".