ქუთაისის მერიის შპს კონტროლიორებს არჩევს

ქუთაისის მერიის მიერ დაფუძნებული შპს "პარკინგსერვისი" კონტროლიორის თანამდებობაზე ვაკანსიას აცხადებს.

ძირითადი ფუნქცია-მოვალეობები:

სამართალდამრღვევი მძღოლების გამოვლენა და მათთვის საჯარიმო ქვითრის გამოწერა;
საპატრულო ეკიპაჟის გამოძახება საჭიროების შემთხვევაში;
სამართალდამღრვევი მძღოლის ა/მანქანის ევაკუირების უზრუნველყოფა ადმინისტრაციული სამართალდარღვევათა კოდექსის შესაბამისად.

საკვალიფიკაციო მოთოვნები:

საოფისე კომპიუტერული პროგრამების ცოდნა;
პარკირების მარეგულირებელი ნორმატიული აქტების ცოდნა (ადმინისტრაციულ სამართალდარღვევათა კოდექსის 125-ე მუხლი; ქ. ქუთაისის საკრებულოს 2015 წლის 30 იანვრის #69 დადგენილება).

პიროვნული მახასიათებლები:

კომუნიკაბელურობა;
კონფლიქტური სიტუაციების მართვის უნარი და არაკონფლიქტურობა;
ორგანიზებულობა და მაღალ სამუშაო რიტმში მუშაობის უნარი;
მაღალი სამუშაო მოტივაცია და აქტივობა;
გუნდური მუშაობის უნარი;
პასუხისმგებლობის მაღალი დონე;
პუნქტუალობა და მოწესრიგებულობა;
შრომისმოყვარეობა და ენერგიულობა.

კონტროლიორების შესარჩევი კონკურსი 2 ეტაპად ჩასტარდება. პირველ ეტაპზე კონკურსანტი გაივლის ტესტირებას. ტესტი 20 დავალებისაგან შედგება(მ.შ. 10 დავალება ზოგადი უნარ-ჩვევებიდან, 10 დავალება პარკირების წესების შესახებ), მეორე ეტაპზე გადასასვლელად კონკურსანტმა სწორად უნდა უპასუხოს დავალებების არანაკლებ 60%-ს. მეორე ეტაპზე ჩატარდება გასაუბრება იმ კონკურსანტებთან, რომლებმაც წარმატებით გაიარეს ტესტირება.

დაინტერესებულ პირებს გთხოვთ, გადმოაგზავნოთ თქვენი CV ელ-ფოსტაზე: parkingservice@kutaisi.gov.ge 2016 წლის 15 იანვრის ჩათვლით. ტესტირებისა და გასაუბრების დრო და ადგილი კონკურსში მონაწილეს ეცნობება ელ.ფოსტის ან/და ტელეფონის საშუალებით არანაკლებ 1 დღით ადრე.