"2016 წელი დაკარგულია ქუთაისის განვითარებისთვის"

"ახალი პოლიტიკური ცენტრის- გირჩი"-ს ქუთაისის ოფისის ხელმძღვანელმა თემურ ცამციშვილმა ქუთაისის ბიუჯეტის გაღარიბების თემაზე ბრიფინგი გამართა.

"გირჩი"-ს ქუთაისის ორგანიზაციის მტკიცებით, ქალაქის 2016 წლის ბიუჯეტში 16.5 მილიონი ლარით შემცირებულია ინფრასტრუქტურული პროექტების დაფინანსება. თითქმის 1.5 მილიონი ლარით მცირდება განათლების სფეროს დაფინანსებაც.

"სანაცვლოდ, მერია იზრდის დაფინანსებას 345 000 ლარით. მრავალგზის გაბერილ შტატებს ემატება 4 ახალი ადგილი და ქუთაისს 2016 წლიდან ეყოლება 4 ახალი ჩინოვნიკი. ჯამში 130 000 ლარით იზრდება ჩინოვნიკების ხელფასები და პრემიები. ხელისუფლებას მოუწია ქალაქ ქუთაისის ბიუჯეტის საშემოსავლო ნაწილის 14 მილიონი ლარით სეკვესტირება. ჟურნალ "განთიადის" გამოცემა ბიუჯეტს უჯდება 45 000 ლარი, ხოლო საქართველოს დამოუკიდებლობისადმი მიძღვნილი ღონისძიებებისათვის გამოყოფილია მხოლოდ 5 000 ლარი.

2016 წლის სეკვესტრირებული ქუთაისის ბიუჯეტი ასახავს ქვეყანაში არსებულ მწვავე სავალუტო-ეკონომიკური კრიზისს. 2016 წელი დაკარგულია ქუთაისის განვითარებისთვის. პრიორიტეტები არასწორადაა განაწილებული და ჩინოვნიკების შენახვა კვლავ უფრო და უფრო ძვირი უჯდება გადასახდელების გადამხდელებს. პარალელურად კი მცირდება ინფრასტრუქტურის და განათლების სფეროში გაწეული ხარჯების ოდენობა," - " - აცხადებენ "გირჩ"-ში.

"ახალი პოლიტიკუირ ცენტრის ქუთაისის ოფისი ხელისუფლებას საშემოსავლო და მოგების გადასახადის გაუქმებისკენ, სახელმწიფო ბიუროკრატიული აპარატის შემცირებისკენ, ქვეყნის ბიუჯეტიდან სოციალური ხარჯების მიზნობრივად გაწევისკენ, ეკონომიკური დანაშაულებების დეკრიმინალიზაციისა და მეტი თავისუფლების კუთხით ეკონომიკური რეფორმების გატარებისაკენ, ასევე, ქუთაისის საპარლამენტო ქალაქად აღიარებისაკენ მოუწოდებს.

ქუთაისის მერიაში აცხადებენ, რომ "გირჩი"-ს განცხადებასთან დაკავშირებით კომენტარს მოგვიანებით გააკეთებენ.