იმერეთის რეგიონში მაშველებმა მონადირეები და ძაღლები დახრჩობას გადაარჩინეს

საგანგებო სიტუაციების მართვის სააგენტოს მაშველებმა იმერეთის რეგიონში მონადირეები გადაარჩინეს.

ოპერატიული დახმარების მართვის ცენტრ 112-ში შევიდა შეტყობინება იმის შესახებ, რომ მდინარე რიონისა და მდინარე ყვირილას შესართავთან, ხელოვნურად შექმნილ კუნძულზე, 3 მონადირე 2 ძაღლთან ერთად იმყოფებოდა.

წყლის დონის მომატების გამო ისინი მდინარიდან გამოსვლას ვერ ახერხებდნენ და შველას ითხოვდნენ. ადგილზე მაშველები მივიდნენ და მონადირეები ძაღლებთან ერთად უსაფრთხო ადგილზე გადაიყვანეს.

"მდინარე რიონის ადიდების გამო, მონადრიეებს ესაჭიროებოდა დახმარება. გამოვცხადდით დროულად და მოვახდინეთ მონადირეების დახმარება",- აცხადებს სამმართველოს უფროსი ვლადიმერ ჟღამაძე.