უამინდობის გამო ქუთაისის აეროპორტში ფრენები გაუქმდა

უამინდობის გამო ფრენები გადაიდო ქუთაისის დავით აღმაშენებლის სახელობის საერთაშორისო აეროპორტში. ვილნიუსში მიმავალი მგზავრების ნაწილი ამ დრომდე აეროპორტში იმყოფება. მათი თქმით, არ იციან როდის შეძლებენ გაფრენას. მათივე ინფორმაციით, კომპანიიდან ამ დრომდე არავინ დაკავშირებიათ. მგზავრების ნაწილი სასტუმროებში გადაჰყავთ, ნაწილმა კი ბილეთები უკან დააბრუნა. ტურისტები აცხადებენ, რომ საქართველოში შვებულება გაატარეს და თუ სამშობლოში დროულად ვერ დაბრუნდებიან, სამსახურებს დაკარგავენ. შეგახსენებთ, რომ გვიან ღამით ასევე გადაიდო ფრენა ქუთაისი-ვილნიუსი და ვილნიუსი-ქუთაისის მიმართულებით.