დიდთოვლობა ხონში

ხონში მოსულმა უხვმა ნალექმა შეფერხებები გამოიწვია. გზებზე გაწმენდითი სამუშაოები გვიან ღამით დაიწყო და ამ დრომდე გრძელდება.

მობილიზემულია ადგილობრივი მძიმე ტექნიკა, მუშაობს საგზაო დეპარტამენტის წარმომადგენლებიც. გაწმენდილია ცენტრალური გზები, აგრეთვე ჯანდაცვისა და საზოგადოებრივი დანიშნულების ობიექტები. თოვლის საფარისგან ამჟამად ცალკეული უბნები იწმინდება.

დიდთოვლობასთან დაკავშირებით გამგეობაში სპეციალური სამუშაო ჯგუფი შეიქმნა, რომელიც 24 -საათიან რეჟიმში მუშაობს და შექმნილ ვითარებას კოორდინაციას უწევს.

გამგებლის ჯემალ მებუკის განცხადებით, ყველა ადმინისტრაციული ერთეულის მიმართულებით მიმდინარეობს გზების გაწმენდა. თოვლს არ დაუზიანებია ელექტროგადამცემი ბოძები და მოსახლეობს ენექტროენერგია შეფერხეეის გარეშე მიეწოდება.