ქუთაისში საჯარო დაწესებულებებთან მისასვლელი გზები იწმინდება

ა(ა)იპ "სპეციალური სერვისები"-ს მუშა ჯგუფებმა ახალი, თანამედროვე ტექნოლოგიების გამოყენებით ქუთაისში საფეხმავლო ტროტუარების გაწმენდითი სამუშაოები დაიწყეს. თოვლის საფარისგან იწმინდება საჯარო დაწესებულებებთან მისასვლელი გზები.


"ჩვენი სამსახური აგრძელებს საგანგებო რეჟიმში მუშაობას. ა(ა)იპ "სპეციალური სერვისების" დირექცია პერსონალურ მადლობას უხდის შინაგან საქმეთა სამინისტროს ქუთაისის საპატრულო პოლიციის უფროსს ბატონ მამუკა ბახტაძეს და საპატრულო პოლიციის ყველა იმ თანამშრომელს, რომლებიც ბოლო ორი დღის განმავლობაში, ჩვენთან ერთად კოორდინირებულად თანამშრომლობდა და მონაწილეობას იღებდა ქალაქის თოვლის საფარისაგან გაწმენდით სამუშაოებში," - ამბობს "სპეციალური სერვისები"-ს საზოგადოებასთან ურთიერთობის სამსახურის უფროსი გიორგი მჟავანაძე.