ქუთაისში საახალწლო ღონისძიებები მიმდინარეობს

ქუთაისში, ქალაქის ისტორიულ უბანში მიმდინარე წინასაახალწლო ღონისძიებები ქალაქის მერმა შოთა მურღულიამ და საკრებულოს თავმჯდომარემ დავით დვალმა დაათვალიერეს.
"მონპლაზირის" თაღთან ხელნაკეთი საახალწლო აქსესუარებისა და მისალოცი ბარათების დათვალიერების გარდა, მოქალაქეებს მერიის დაკვეთით დამზადებული გოზინაყის დაგემოვნების საშუალებაც მიეცათ.
„ქუთაისი ღირსეულად ხვდება ახალ 2016 წელს. არის სხვადასხვა ღონისძიება. დატვირთულია სოციალური და კულტურული ღონისძიებებით. დღევანდელი დღე არის განწყობის შექმნა. შეიქმნა მე მგონი განწყობა. არის ასევე უგემიელესი გოზინაყი,,“ - აცხადებს შოთა მურღულია.

ახალ წელთან შესახვედრად ქუთაისის ცენტრალურ მოედანზე კონცერტია დაგეგმილი, რომელიც 21:00 საათზე დაიწყება.