ახალი წლის ღამეს სინოპტიკოსები საქართველოში თოვლს ელოდებიან

გარემოს ეროვნული სააგენტოს ცნობით, მიმდინარე წლის 28-29 დეკემბერს, საქართველოს ზოგიერთ რაიონში მოსალოდნელია წვიმა, მთაში-თოვლი.

30 დეკემბერს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, მთაში თოვლი, დასავლეთ საქართველოში დღისით ზოგან ძლიერი, მაღალმთიან რაიონებში ქარბუქი. იქროლებს დასავლეთის ძლიერი ქარი. ნალექიანი ამინდი შენარჩუნდება 31 დეკემბერსაც, ქარი შესუსტდება.

ახალი წლის ღამეს საქართველოში მოსალოდნელია თოვლი, ზოგან შესაძლებელია ძლიერი.

2 იანვარს თოვლის ინტენსიობა შესუსტდება. 3 იანვრიდან ნალექი შეწყდება, გაძლიერდება ყინვები.