ქუთაისში მერიის მიერ გამოცხადებულ ფოტოკონკურსში გამარჯვებულები გამოვლინდნენ

ქუთაისში ფოტოგრაფიის ხელოვნების განვითარების ხელშეწყობის მიზნით გამოცხადებული ფოტოკონკურსის გამარჯვებულები გამოვლინდნენ.
ფოტოკონკურსი "კადრი ქუთაისი" ქუთაისის მერიის კულტურის, სპორტის, განათლების, ძეგლთა დაცვისა და ახალგაზრდობის საქმეთა სამსახურის ინიციატივით ჩატარდა.
კონკურსის მიზანს ნიჭიერი ფოტოგრაფების, როგორც პროფესიონალების ასევე მოყვარულების გამოვლენა წარმოადგენდა.
დაჯილდოების ცერემონიალში მონაწილეობა ქუთაისის ვიცე-მერმა ნოდარ მიქიაშვილმა და იმერეთის გუბერნატორის მოადგილემ იოსებ ხახალეიშვილმა მიიღეს.
პირველ ადგილზე ფოტოგრაფი მამუკა კაკაურიძე გავიდა, მეორე და მესამე ადგილი მინდია ჩარქსელიანმა და გიორგი კილაძემ გაინაწილეს, ნომინაცია „ილო“ გიორგი ქომეთიანს გადაეცა, ხოლო „პუბლიკის სიმპათია“ თეონა ჭეიშვილის ნამუშევარი გახდა. გამარჯვებულებს ფულადი პრემიები და სიგელები გადაეცათ.