21 - 27 დეკემბერს მოსალოდნელი ამინდის პროგნოზი

21 დეკემბერს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, მთაში თოვლი, მაღალმთიან რაიონებში ზოგან ქარბუქი. 22 დეკემბერს დღისით გამოიდარებს.

23 – 24 დეკემბერს კვლავ გაწვიმდება, მაღალმთაში მოთოვს, უმეტესად დასავლეთ საქართველოში. 25 - 27 დეკემბერს ზოგიერთ რაიონში მოსალოდნელია ნალექი.

კვირის განმავლობაში, ზოგან იქროლებს დასავლეთის ძლიერი ქარი. თბილისში კვირის ბოლომდე შენარჩუნებული იქნება უმეტესად უნალექო ამინდი. ჰაერის ტემპერატურა მოსალოდნელია +8, +13 გრადუსის ფარგლებში.