9 წლის სმენადაქვეითებული ლუკა: პლანშეტი ჩემი ოცნებაა, თოვლის ბაბუას კი ამის საშუალება არ აქვს

9 წლის ლუკვა მიქავას დაბადებიდან სმენის პრობლემა აქვს.
ლუკა ქუთაისში არსებულ სპეციალიზებულ 45-ე საჯარო სკოლაში სწავლობს.
მისი ოჯახი ქუთაისში მცხოვრები 80 სმენადაქვეითებული ოჯახის რიგებში ირიცხება.
პატარას ოჯახის წევრები ამბობენ, რომ ლუკა წლებია კომპიუტერზე ოცნებობს, თუმცა მისი შეძენის საშუალება ოჯახს არ აქვს.
ლუკას საახალწლოდ თოვლის ბაბუისთვის წერილი არ დაუწერია, რადგან იცის, რომ პლანშეტს თოვლის ბაბუა ვერ მოუტანს.
"პლანშეტი ჩემი ოცნებაა. თოვლის ბაბუსთვის წერილი არ დამიწერია, რადგან ვიცი, რომ ვერ მომიტანს საჩუქარს. არ ვიცი ამისრულდება თუ არა ოდესმე ოცნება. ვერც სახლში ვეუბნები დედიკოს მიყიდე კომპიუტერი-თქო, რადგან ამის საშუალება მას არ აქვს,"- ამბობს ლუკა მიქავა.