ქუთაისის საკრებულომ ქალაქის 50- მილიონიანი ბიუჯეტი დაამტკიცა

თარიღი : 18-12-2015, 17:44 | კატეგორია: ახალი ამბები, მთავარი თემა

ქუთაისის საკრებულომ ქალაქის 2016 წლის ბიუჯეტი დაამტკიცა. ქალაქის მთავარი ფინანსური დოკუმენტი 50 მილიონ 500 000 ლარით განისაზღვრა. 2016 წლის ბიუჯეტი სამი მილიონი ლარით აღემატება მიმდინარე წლის მაჩვენებელს. ქუთაისის მერის შოთა მურღულიას განცხადებით, მომავალი წლის განმავლობაში ბიუჯეტის ზრდა კიდევ 20 მილიონით იგეგმება.

2016 წლის ბიუჯეტის მიხედვით, სოციალური და ჯანდაცვის სფეროები 4 მილიონ 700 000 ლარით დაფინანსდა. განათლება- 9 მილიონნახევრით. კულტურა და სპორტი 16 მილიონით,ხოლო ინფრასტრუქტურის სფერო- 15 მილიონით.

"ბიუჯეტი გახდა გაცილებით გამჭვირვალე. თუ ადრე შენიშვნები იყო ააიპების დაფინანსებაზე, ახლა ყველას შეუძლია იხილოს რა იხარჯება.დეტალურმა განხილვამ თითქმის კითხვაც კ იარ დაბადა. ქუთაისის ბიუჯეტი მოსახლეობაზე ორინეტირებულია. უკვე მესამე წელია ადმინისტრაციული ხარჯი მცირდება. შემცირებული თანხა და პლიუს ბიუჯეტის ზრდა მთლიანად წავიდა სოციალურ პროგრამებზე. გაიზარდა სოციალური პროგრამების დაფინანსება. "ნაციონალურ მოძრაობა"-ს შენიშვნა არ ჰქონდა ბიუჯეტზე. რღაც მიზეზი უნდა მოეგონებინათ, ამიტომ აბსურდული მიზეზი მოიგონეს და დატოვეს სხდომა. ერთი შენიშვნაც კი არ შემოსულა "ნაციონალური მოძრაობიდან",-აცხადებს ქუთაისის მერი.

ნანახია: 2179-ჯერ