ქუთაისის მერია საქალაქო ხაზებზე კონკურსს ატარებს

ქუთაისის მერიაში #23 და #23 ა საქალაქო ხაზზე მგზავრთა გადამყვანი კომპანიის გამოსავლენად კონკურსი მიმდინარეობს. ქალაქის მერიის ტრანსპორტის განყოფილების უფროსის ირაკლი ცხვედიანის განცხადებით, გამარჯვებული მიმდინარე დღის ბოლოს გახდება ცნობილი. გამარჯვებულ კომპანიას კი აღნიშნულ სამარშუტო ხაზზე მგზავრთა გადაყვანის უფლება მომდევნო 4 წლის განმავლობაში ექნება.
ცნობისთვის, #23 და #23 ა-ზე ყოველდღიურად სულ 9 ერთეული სატრანსპორტო საშუალება მოძრაობს.