ხონში ადგილობრივ მოსახლეობას მდინარე ცხენისწყლისგან იცავენ

რეგიონული განვითარებისა და ინფრასტრუქტურის სამინისტროს ფინანსური მხარდაჭერით, ხონის მუნიციპალიტეტის სოფელ მათხოჯში მდინარე ცხენისწყლის კალაპოტში ნაპირსამაგრი სამუშაოები მიმდინარეობს.

წლების განმავლობაში მდინარე ცხენისწყალის ადიდების შედეგად საფრთხე ექმნებოდა ადგილობრივ მოსახლეობას, საკარმიდამო ნაკვეთებს. ამ ეტაპზე, აღნიშნული პრობლემის მოგვარების მიზნით, ე.წ. გაბიონის მშენებლობა მიმდინარეობს, რომელიც 300 მ. სიგრძის სანაპირო ზოლის დაცვას უზრუნველყოფს. პროექტი, რომლის ღირებულება 350 400 ლარია, სახელმწიფო ბიუჯეტიდან დაფინანსდა.

პროექტი მიმდინარე თვის ბოლოს დასრულდება.