ხარაგაულში სასულიერო პირებმა და მრევლმა ქუჩებში სადღესასწაულო მსვლელობა მოაწყვეს

ხარაგაულში წმინდა ანდრია პირველწოდებულის ხსენების დღე აღნიშნეს.
წმინდა მოციქულის სახელობის ეკლესიაში სამეუფეო წირვა ჩატარდა. მარგვეთისა და უბისის ეპისკოსპოსმა მეუფე მელქისედეკმა ხარაგაულის ტაძრის წინამძღვარ მამა ანტონთან და მოწვეულ სასულიერო პირებთან ერთად ხარაგაულის მრევლს ანდრია პირველწოდებულის ხსენების დღე მიულოცა.
სადღესასწაულო წირვას ესწრებოდნენ ხარაგაულის მუნიციპალიტეტის მაჟორიტარი დეპუტატი, ნოდარ ებანოიძე, გამგებელი კობა ლურსმანაშვილი და საკრებულოს თავმჯდომარე ინგა მაღრაძე.