ქუთაისში მარჯვენასაჭიანი ავტომობილების მძღოლებმა საპროტესტო აქცია გამართეს

ქუთაისში, პარლამენტის შენობასთან, მარჯვენასაჭიანი ავტომობილების მძღოლებმა საპროტესტო აქცია გამართეს.
აქცის მონაწილეები შსს-ს ინიციატივას აპროტესტებენ, რომლის მიხედვითაც შესაძლოა, რომ მომდევნო წლიდან მარჯვენასაჭიანი ავტომობილების უცხოეთიდან იმპორტი აიკრძალოს.
მძღოლების თქმით, იაპონიიდან მარჯვენასაჭიანი ავტობილების შემოყვანის აკრძალვის შემდეგ, საქართველოში ამერიკიდან და გერმანიიდან უხარისხო ავტომობილების ჩამოყვანა მოხდება.

"თუ მძღოლი ყურადღებიანი არ არის, სახიფათოა როგორც მარჯვენა, ასევე მარცენა საჭიანი ავტომობილიც, თუ ტარება ნორმალურად იცი, მარჯვენასაჭიანი ავტომობილიც უსაფრთხოა. იაპონიიდან მარჯვენასაჭიანი მანქანების ჩამოყვანის აკრძალვის შემდეგ, გერმანიიდან და ამერიკიდან ჩამოიყვანენ ავტომობილებს, რომლებიც მწყობრიდან არის გამოსული და სახიფათაო",- აცხადებენ აქციის მონაწილეები.

მარჯვენასაჭიანი ავტომობილების მძღოლების თქმით, ისინი აქციებს პერმანენტულ სახეს მისცემენ.